سیسی میں آجران کی آن لائن رجسٹریشن کے حوالے سے سیسی افسران کیلئے مقامی ہوٹل میں ٹریننگ کا انعقاد
محکمہ انویسٹمنٹ سندھ کے منصوبہ ایس بی او ایس ایس کے ذریعہ کاروباری افراد سیسی کا رجسٹریشن سرٹیفیکٹ آن لائن حاصل کرسکیں گے
کراچی………..سندھ سوشل سیکورٹی میں آجران کی آن لائن رجسٹریشن کے حوالے سے افسران کیلئے مقامی ہوٹل میں ٹریننگ پروگرام منعقد کیا گیا۔سندھ کے محکمہ انویسٹمنٹ کے پروجیکٹ ایس بی او ایس ایس کا مقصد صوبے میں کاروبار سے متعلقہ خدمات کے لیے ایک واحد آن لائن پلیٹ فارم بنانا ہے۔ کلک کے منصوبہ سندھ بزنس ون اسٹاپ شاپ کے پلیٹ فارم سے سندھ ایمپلائز سوشل سیکیورٹی انسٹی ٹیوشن (سیسی) میں ایمپلائر ز(آجران) کی آن لائن رجسٹریشن کے حوالے افسران کی ٹریننگ کا ایک پروگرام مقامی ہوٹل میں منعقد کیا گیا،
اس تربیت کا مقصد عملی طور پر سسٹم کا استعمال اور طرہقہ کار کو سمجھانا تھا، اس پروجیکٹ کے عملی نفاذ کے بعد سندھ میں کاروبار کا آغاز کرنا اور اس کی رجسٹریشن و لائسنس حاصل کرنا آسان ہو جائے گا۔ ٹریننگ میں سوشل سیکورٹی کے فیلڈ ڈائریکٹرز، ڈپٹی ڈائریکٹرز کے علاوہ ہیڈ آفس کے افسران نے بھی شرکت کی جن میں ڈائریکٹر ایڈمنسٹریشن وکیل الدین کمال شاہ، ڈائریکٹر سی اینڈ بی ڈاکٹر غلام دستگیر، ڈائریکٹر پبلک ریلیشن اینڈ ٹریننگ اینڈ ریسرچ وسیم جمال، کمپیوٹر پروگرامر حامد علی، ڈائریکٹر علی حیدر زیدی، علی اکبر منگی، سیف اللہ خان، نادر حسین کناسرو، آفتاب عالم، ملک ضمیر اعوان، کامران حسن خان، مخدوم جہانزیب و دیگر افسران شامل تھے ٹریننگ پروگرام کے اختتام پر افسران کو سرٹیفیکٹ بھی دیئے گئے
