ڈاکٹر عشرت العباد استحکام، بصیرت اور قیادت کی علامت
تحریر: نہال احمد صدیقی
ڈاکٹر عشرت العباد پاکستان کی سیاسی تاریخ کا وہ درخشاں نام ہیں جنہیں استحکام، بردباری اور مدبرانہ قیادت کی علامت کے طور پر یاد کیا جاتا ہے۔ بطور گورنر سندھ 2002 سے 2016 تک ان کا 14 سالہ طویل دور صرف ایک ریکارڈ نہیں بلکہ ایک ایسی حقیقت ہے جو انہیں سندھ کا سب سے کامیاب اور بہترین گورنر ثابت کرتی ہے۔
یہ وہ دور تھا جب کراچی بدامنی، لسانی کشیدگی اور سیاسی عدم استحکام کی لپیٹ میں تھا۔ ایسے نازک حالات میں ڈاکٹر عشرت العباد خان نے نہ صرف صبر و تحمل کا مظاہرہ کیا بلکہ سیاسی قوتوں کے درمیان پل کا کردار ادا کرتے ہوئے مفاہمت، برداشت اور ہم آہنگی کو فروغ دیا۔ ان کی دانشمندانہ حکمت عملی کے باعث کراچی میں امن و امان کی صورتحال بہتر ہوئی اور شہر نے ترقی کی راہ پر دوبارہ سفر شروع کیا۔
ڈاکٹر عشرت العباد کی سب سے نمایاں خوبی ان کی غیر جانبداری اور تمام سیاسی قوتوں کو ساتھ لے کر چلنے کی صلاحیت تھی۔ انہوں نے ہر دورِ حکومت میں متوازن اور مثبت کردار ادا کیا، جس کے نتیجے میں وہ اعتماد، استحکام اور تسلسل کی علامت بن گئے۔ یہی وجہ ہے کہ ان کا دورِ گورنری آج بھی پاکستان کی سیاسی تاریخ میں ایک مثالی باب کے طور پر یاد کیا جاتا ہے۔
آج ڈاکٹر عشرت العباد خان میری پہچان پاکستان پارٹی کی قیادت کر رہے ہیں، جو ایک مضبوط، خودمختار اور ترقی یافتہ پاکستان کے وژن کی ترجمان ہے۔ ان کی قیادت میں یہ جماعت تیزی سے ملک گیر مقبولیت حاصل کر رہی ہے اور پاکستان کے طول و عرض میں اپنی شناخت مضبوط بنا چکی ہے۔ گلگت بلتستان سے لے کر آزاد کشمیر تک عوام اس جماعت کو امید، استحکام اور تبدیلی کی علامت کے طور پر دیکھ رہے ہیں۔
ان کے دورِ گورنری میں کراچی میں ترقیاتی منصوبوں کا ایک نیا باب رقم ہوا۔ انفراسٹرکچر کی بہتری، شہری ترقی، پارکس اور عوامی فلاحی منصوبے ان کے وژن کا عملی اظہار ہیں۔ ان اقدامات نے نہ صرف شہر کی خوبصورتی میں اضافہ کیا بلکہ شہری زندگی کے معیار کو بھی نمایاں طور پر بہتر بنایا۔
ڈاکٹر عشرت العباد خان کی قیادت محض انتظامی امور تک محدود نہیں رہی بلکہ انہوں نے انسانی ہمدردی اور قومی خدمت کے میدان میں بھی اپنی خدمات کے نقوش چھوڑے۔ وہ ایک ایسے مدبر رہنما ہیں جو مشکل ترین حالات میں بھی قوم کے ساتھ کھڑے نظر آتے ہیں۔
یہ کہنا بے جا نہ ہوگا کہ ڈاکٹرعشرت العباد خان صرف ایک سیاستدان نہیں بلکہ ایک سوچ، ایک وژن اور ایک مضبوط قیادت کا استعارہ ہیں۔ ان کا ماضی شاندار کارکردگی کا آئینہ دار ہے، جبکہ ان کا حال اس عزم کی عکاسی کرتا ہے کہ وہ پاکستان کے روشن اور مستحکم مستقبل کے لیے اپنی جدوجہد جاری رکھے ہوئے ہیں
