کراچی والے شاہراہِ فیصل پر بیٹھ جائیں تو یہ سندھ کے وڈیرے اپنی کرسیوں سے اُتر جائیں گے۔ ڈاکٹر فاروق ستار
وزیر اعلیٰ سندھ اور میئر کراچی کی کرسی خالی ہوگی جس پر کراچی کے بیٹے اور بیٹیاں براجمان ہوں گے۔ ڈاکٹر فاروق ستار
ایم کیو ایم قیادت اور اسکے گورنر کی کاوشوں سے کراچی میں 40 ارب روپے کے ترقیاتی کام شروع ہونے جارہے ہیں۔ ڈاکٹر فاروق ستار
ایم کیو ایم پاکستان کے ملیر ٹاؤن میں 30 نومبر کو منعقد ہونے والے حق پرست عوامی اجتماع کی عوامی رابطہ مہم زور و شور سے جاری
کراچی۔۔۔ متحدہ قومی موومنٹ پاکستان کےسینیئر مرکزی رہنماء ڈاکٹر فاروق ستار ملیر ٹاؤن کے مختلف علاقوں کے دورے کررہے ہیں جہاں وہ ملیر ٹاؤن میں 30 نومبر کو منعقد ہونے والے حق پرست عوامی اجتماع کی عوامی رابطہ مہم کے سلسلہ میں عوام الناس، علاقائی یونینز تاجر برادری اور دیگر معزز شخصیات سے ملاقاتیں کر رہے ہیں ڈاکٹر فاروق ستار نے مختلف کارنرز میٹنگ میں بھی شرکت کی جہاں انہوں نے اظہار خیال کرتے ہوئے کہا کہ ایم کیو ایم پاکستان نے کراچی اور حیدرآباد کے لیے 40 ارب روپے کے پیکج وفاق سے لئے ہیں جن کے تحت ہر ایم این اے کے حلقے میں 5۔2 ارب روپے کے فنڈز سے سڑکیں، پارکس، پمپنگ اسٹیشن اور سیوریج کی بحالی اور دیگر ترقیاتی کام کروائے جائیں گے ان کاموں کی رونمائی حق پرست عوامی اجتماعات کے زریعے کی جائیں گی ہم نے پہلے سرجانی ٹاؤن میں ایک کامیاب اجتماع کیا اب ملیر ٹاؤن میں منعقد کرنے جارہے ہیں جس میں ملیر کے عوام کو انکے حلقے میں ہونے والے ترقیاتی منصوبوں سے آگاہ کیاجائے گا اور اسی اجتماع میں ملیر کے نوجوانوں کے لئے 500 گورنر آئی ٹی کورسز کا اعلان بھی کیا جائے گا،
ڈاکٹر فاروق ستار نے مزید کہا کہ کراچی کے لاکھوں عوام شاہراہِ فیصل پر بیٹھ جائیں تو وہ دن دور نہیں جب آزاد کشمیر کی طرح سندھ کے وڈیرے اور جاگیردار بھی اپنی بڑی بڑی کرسیوں سے اُتر کر عوام کے پاس آنے پر مجبور ہوں گے انشاءاللہ جلد وزیر اعلیٰ سندھ اور میئر کراچی کی کرسی خالی ہوگی جس پر کراچی کے نوجوان بیٹے بیٹیاں بیٹھے گیں، ڈاکٹر فاروق ستار نے کہا کہ ان وڈیروں جاگیرداروں سے اب تک کےفور منصوبہ مکمل نہ ہوسکا جبکہ میری میئر شپ میں کےٹو اور مصطفیٰ کمال کی میئر شپ میں کے تھری مکمل ہوا ہم نے کے فور منصوبے کو وفاق کو واپس دلوایا ہے انشاء اللہ اگلے سال تک کراچی والوں کو 26 کروڑ گیلن پانی ملے گا
