چیئرمین نیو کراچی ٹاؤن محمد یوسف کا سیکٹر ایف 11 اور ایف 5 میں مکمل ہونے والی روڈ کارپیٹنگ کا معائنہ ۔
عوام کیلے آمدو رفت میں نمایاں آسانی شہریوں کا چیرمین محمدیوسف کی کاوشوں کو خراج تحسین۔
عوامی مسائل کو دیکھتے ہوئے ہم نے ترجیحی بنیادوں پر ان سڑکوں کی تعمیر کا آغاز کیا۔چیئرمین نیو کراچی ٹاؤن محمد یوسف
نیو کراچی ٹاؤن میں مزید ترقیاتی منصوبے جلد شروع کیے جائیں گے۔ ٹاون چیرمین محمد یوسف
کراچی………. نیو کراچی ٹاؤن میں ترقیاتی کاموں کا سلسلہ جاری اسی سلسلے میں سیکٹر ایف 11اور ایف 5 کی اہم مرکزی سڑکوں کی روڈ کارپیٹنگ مکمل کرلی گئی ہے۔ چیئرمین نیو کراچی ٹاؤن محمد یوسف نے تعمیر شدہ سڑکوں کا تفصیلی معائنہ کیا اور جاری کام کی بروقت تکمیل پر اطمینان اور خوشی کا اظہار کیا۔ ان کا کہنا تھا کہ ان سڑکوں کی تعمیر علاقے کی اہم ضرورت تھی جس پر اب نہ صرف کام مکمل ہو چکا ہے بلکہ عوام اس کا براہِ راست فائدہ بھی اٹھا رہی ہے۔چیئرمین محمد یوسف نے بتایا کہ یہ سڑکیں کئی برسوں سے مرمت نہ ہونے کی وجہ سے خستہ حالی کا شکار تھیں۔ بارشوں اور نکاسی میں مسائل کی وجہ سے جگہ جگہ گڑھے پڑ گئے تھے، آمدورفت متاثر تھی اور شہریوں کو روزمرہ سفر میں شدید مشکلات درپیش تھیں۔
سوئی گیس لائنوں کی تنصیب کے دوران کھدائی نے صورتحال کو مزید خراب کردیا تھا اور سڑکیں مسلسل ٹوٹ پھوٹ کا شکار ہوتی رہیں۔ انہوں نے کہا کہ عوامی شکایات میں سب سے زیادہ انہی سڑکوں کا ذکر ہوتا تھا۔چیئرمین نے کہا“عوامی مسائل کو دیکھتے ہوئے ہم نے ترجیحی بنیادوں پر ان سڑکوں کی تعمیر کا آغاز کیا۔ آج کام مکمل ہو چکا ہے اور خوشی ہے کہ لوگ صاف، کشادہ اور ہموار سڑکوں سے بھرپور فائدہ اٹھا رہے ہیں۔ ہمارا مقصد صرف سڑک بنانا نہیں، بلکہ شہریوں کی زندگیوں میں سہولت پیدا کرنا ہے۔شہریوں کا کہنا ہے کہ پہلے گڑھے، دھول، مٹی اور پانی کی وجہ سے نہ صرف سفر مشکل تھا بلکہ حادثات کے امکانات بھی رہتے تھے، لیکن اب صورتحال واضح طور پر بہتر ہے۔ بچوں اور خواتین کے لیے بھی پیدل سفر آسان ہوا ہے
اور سڑکیں پہلے کے مقابلے میں کہیں زیادہ محفوظ نظر آتی ہیں علاقہ مکینوں نے چیئرمین محمد یوسف کی کارکردگی کو سراہتے ہوئے کہا کہ انہوں نے جو وعدہ کیا تھا وہ پورا کر دکھایا۔ عوام کا کہنا تھا کہ چیئرمین محمد یوسف نے علاقے کے مسائل کو سنجیدگی سے لیا، شہریوں کی آواز سنی اور عملی اقدامات کیے۔ ان کی بیوروکریسی اور ترقیاتی اداروں سے ہم آہنگ پالیسی کو عوام نے قابلِ تعریف قرار دیا۔چیئرمین نے اس موقع پر یہ بھی کہا کہ نیو کراچی ٹاؤن میں مزید ترقیاتی منصوبے جلد شروع کیے جائیں گے، خصوصاً وہ علاقے جہاں سڑکوں، صفائی، اسٹریٹ لائٹس یا نکاسی آب کے مسائل موجود ہیں۔ انہوں نے کہا کہ عوام کا اعتماد ہمارے لئے قیمتی ہے اور ہم اسے عملی کام سے پورا کرتے رہیں گے۔سیکٹر 11-F اور 5-F کی سڑکوں کی تعمیر مکمل ہونے سے علاقے کی مجموعی صورتحال بہتر ہوگئی ہے۔ ٹریفک کی روانی میں بہتری، سفر میں آسانی اور علاقے کی خوبصورتی کی بحالی نے عوامی سطح پر ایک مثبت تاثر پیدا کیا ہے اور شہریوں کی جانب سے چیئرمین محمد یوسف کیلئے بھرپور تعریف، اعتماد اور شکریے کے جذبات سامنے آرہے ہیں۔
