صوبائی محتسب اعلیٰ سندھ سہیل راجپوت کی خصوصی ہدایات پر ریجنل ڈائریکٹر کیماڑی ویسٹ آفتاب کھتری کا
سپرئیٹینڈینٹ صلاح الدین صدیقی اور ان کی ٹیم کے ہمراہ ولیکا ہسپتال اورنگی ٹاؤن کا دورہ
مریضوں سے صفائی ستھرائی اور طبی سہولیات کے حوالے سے آگاہی
صوبائی محتسبِ اعلیٰ سندھ کی اولین ترجیح عوام کو فلاحی و سرکاری اداروں میں بہتر سے بہتر سہولیات فراہم کرنا ہے: آفتاب کھتری
کراچی( ) صوبائی محتسب اعلیٰ سندھ سہیل راجپوت کی خصوصی ہدایات پر ریجنل ڈائریکٹر کیماڑی ویسٹ آفتاب کھتری نے سپرئیٹینڈینٹ جناب صلاح الدین صدیقی اور ان کی ٹیم کے ہمراہ ولیکا ہسپتال اورنگی ٹاؤن کا دورہ کیا۔ وفد کی آمد پر میڈیکلسپرئیٹینڈینٹ اور دیگر ذمہ داران نے معزز افسران کا استقبال کیا۔دورے کے دوران ریجنل ڈائریکٹر کیماڑی ویسٹ آفتاب کھتری اورسپرئیٹینڈینٹ صلاح الدین صدیقی نے ہسپتال میں زیرِ علاج مریضوں، ڈاکٹرز اور طبی عملے سے ملاقات کی اور علاج معالجے، صفائی ستھرائی، ادویات کی فراہمی اور مجموعی طبی سہولیات کے معیار کے بارے میں معلومات حاصل کیں۔ مریضوں نے اپنے مسائل، ضروریات اور ہسپتال انتظامیہ کے طرزِ عمل کے متعلق وفد کو آگاہ کیا۔اس موقع پر ریجنل ڈائریکٹر آفتاب کھتری نے مریضوں کو صوبائی محتسبِ اعلیٰ سندھ کے شکایتی دفتر، ہیلپ لائن اور شکایت درج کرانے کے طریقہ کار سے متعلق بھی آگاہ کیا
تاکہ شہری اپنی مشکلات بلا جھجھک متعلقہ ادارے تک پہنچا سکیں اور بروقت انصاف حاصل کر سکیں۔مزید برآں، وفد نے ہسپتال میں صفائی، میڈیکل آلات، وارڈز کی صورتحال اور ایمرجنسی سروسز کا بھی معائنہ کیا اور موقع پر موجود عملے کو ضروری ہدایات جاری کیں۔ انہوں نے کہا کہ صوبائی محتسبِ اعلیٰ سندھ کی اولین ترجیح عوام کو فلاحی و سرکاری اداروں میں بہتر سے بہتر سہولیات فراہم کرنا ہے اور اس مقصد کے لیے ایسے دورے تسلسل سے جاری رہیں گے
