کمشنر سیسی میانداد راہوجو کاسوشل سیکورٹی لانڈھی ہسپتال کا اچانک دورہ
کراچی ۔۔۔۔۔۔۔۔ کمشنر سندھ ایمپلائز سوشل سیکورٹی انسٹی ٹیوشن میانداد راہو جو نے سوشل سیکورٹی لانڈھی ہسپتال کا اچانک دورہ کیا۔ ان کے ہمراہ ڈائریکٹرلانڈھی ڈائریکٹوریٹ علی اکبر منگی، ڈائریکٹرپبلک ریلیشنز اینڈ ٹریننگ سیف اللہ خان اور ڈپٹی ڈائریکٹر لانڈھی ڈائریکٹوریٹ مدد علی بھی موجود تھے۔ میڈیکل سپرینٹنڈنٹ لانڈھی ہسپتال ڈاکٹرظفرقائم خانی، ڈپٹی میڈیکل سپرینٹنڈنٹ ذوالفقار علی میمن نے کمشنر سیسی کو لانڈھی ہسپتال کادورہ کرایا۔
اس موقع پر پیپلزاسٹاف یونین سی بی اے کے چیئرمین اعجاز عباسی بھی موجود تھے۔ کمشنر سیسی میانداداراہوجو ہسپتال کے مختلف وارڈز میں گئے اور وہاں موجود مریضوں کی عیادت کی اور موقع پر موجود ڈاکٹرز اور طبی عملے سے مریضوں کے علاج سے متعلق دریافت کیا۔ کمشنر سیسی آپریشن تھیٹر بھی گئے وہاں موجود ڈاکٹرز نے کمشنر سیسی کو بتایا کہ آرتھوپیڈک کے مریضوں کے آپریشن کیے جارہے ہیں۔ کمشنر سیسی نے ہسپتال کے انتہائی نگہداشت کے وارڈز کا بھی دورہ کیا اور ڈاکٹروں کو تلقین کی کہ مریضوں کا ہر ممکن خیال رکھا جائے
اور بہترین طبی سہولتیں فراہم کی جائیں۔ کمشنر سیسی نے میڈیکل سپرینٹنڈنٹ ڈاکٹرظفرقائم خانی کو ہسپتال میں صفائی ستھرائی کے معیار کو مزید بہتر بنانے کے ساتھ ساتھ ہسپتال میں شجر کاری کرنے کی بھی ہدایت کی۔ آخر میں اسپتال کے نرسنگ اسٹاف کے وفد نے کمشنرسیسی سے ملاقات کی اور اپنے مسائل بیان کیے۔ کمشنر سیسی نے ان کے مسائل کو بغور سنا اور انہیں جلد حل کرنے کی یقین دہانی کرائی
